నస్పూర్ ప్రత్యక్షత:-టీఎన్జీవో గృహ నిర్మాణ సొసైటీ నస్పూర్లోని శ్రీ సిద్ధి వినాయక గణేష్ మండలి వద్ద మంగళవారం మహా అన్నదానం నిర్వహించారు. అయిత ప్రసాద్ దంపతుల ఆధ్వర్యంలో ఈ అన్నదానం చేపట్టారు.ఈ సందర్భంగా టీఎన్జీవో గృహ నిర్మాణ సొసైటీ అధ్యక్షులు గడియారం శ్రీహరి మాట్లాడుతూ అన్నదానం నిర్వహించిన దాతలకు శ్రీ సిద్ధి వినాయకుడి ఆశీస్సులు ఎల్లప్పుడూ ఉండాలని ఆకాంక్షించారు. గణేష్ నవరాత్రుల సందర్భంగా మండలి వద్ద ప్రతిరోజూ మధ్యాహ్నం మహా అన్నదానం, సాయంత్రం అల్పాహారం దాతల సహకారంతో ఏర్పాటు చేస్తున్నట్లు తెలిపారు.అనంతరం అన్నదాన దాతలను సొసైటీ ఆధ్వర్యంలో ఘనంగా సన్మానించారు.ఈ కార్యక్రమంలో కార్యదర్శి హబీబ్ హుస్సేన్, పుప్పాల హనుమంతరావు, పొన్న మల్లయ్య, శ్రీపతి బాపురావు, బొడ్డు శ్రావణ్ కుమార్, భూముల రామ్మోహన్, సైండ్ల మొండయ్య, నాగేశ్వరరావు, గుండేటి యోగేశ్వర్, తిరుపతిరెడ్డి, సునీత, రాజేందర్, టి.తిరుపతి, ఎన్.సత్యనారాయణతో పాటు కాలనీ నాయకులు, మహిళలు పాల్గొన్నారు.