మంచిర్యాల ప్రత్యక్షత:-నస్పూర్‌లోని టీఎన్జీవో హౌసింగ్ సొసైటీ లోని శ్రీ సిద్ధి వినాయక గణేష్ మండలి వద్ద లోకకల్యాణార్థం గణపతి హోమాన్ని మంగళవారం భక్తిశ్రద్ధలతో నిర్వహించారు. టీఎన్జీవో మంచిర్యాల జిల్లా అధ్యక్షులు గడియారం శ్రీహరి, ఉత్సవ కమిటీ కార్యనిర్వాహక అధ్యక్షులు గుండేటి అరుణ యోగేశ్వర్ ఆధ్వర్యంలో ఈ కార్యక్రమం జరిగింది.ఈ సందర్భంగా గడియారం శ్రీహరి మాట్లాడుతూ ఉద్యోగులు, ఉపాధ్యాయులు, కార్మికులు, విశ్రాంత ఉద్యోగుల సంక్షేమం కోసం గణపతి హోమం నిర్వహించినట్లు తెలిపారు. వేతన సవరణ, పెండింగ్ కరువు భత్యాలు, పాత పింఛను విధానం, ఆరోగ్య పథకం, పెండింగ్ బిల్లుల సమస్యలు పరిష్కారం కావాలని స్వామివారిని ప్రార్థించినట్లు పేర్కొన్నారు.ఈ కార్యక్రమంలో కస్తూరి నాగేశ్వర్, హబీబ్ హుస్సేన్, సైండ్ల మొండయ్య, పుప్పాల హనుమంతరావు, పొన్న మల్లయ్య, బొడ్డు శ్రావణ్ కుమార్ తదితరులతో పాటు కాలనీ ప్రజలు, మహిళలు పాల్గొన్నారు.