మంచిర్యాల ప్రత్యక్షత:-రాష్ట్ర ఉపాధ్యాయ సంఘం తెలంగాణ రాష్ట్రం (ఎస్టీయూటీఎస్) ముద్రించిన నూతన సంవత్సర క్యాలెండర్, డైరీలను బుధవారం మంచిర్యాల జిల్లా కలెక్టర్ కుమార్ దీపక్ చేతుల మీదుగా ఆవిష్కరించారు. ఈ సందర్భంగా కలెక్టర్ మాట్లాడుతూ…ఉపాధ్యాయురాలు, ఉపాధ్యాయులకు ముందుగా నూతన సంవత్సర శుభాకాంక్షలు తెలియజేశారు. ఉపాధ్యాయులు విద్యార్థుల సర్వతోముఖాభివృద్ధికి అంకితభావంతో నిరంతరం పనిచేయాలి, అలాగే విద్యార్థుల తో అభ్యాసన సామర్ధ్యాలను పెంచాలని సూచించారు.2025-26 పదవ తరగతి లోని విద్యార్థులు 100 శాతం ఉత్తీర్ణత సాధించేలా బావి భారత పౌరులుగా తీర్చిదిద్దేందుకు ఉపాధ్యాయులు మరింత కృషి చేయాలని ఆయన అన్నారు.ఈ కార్యక్రమంలో ఎస్టీయూటీఎస్ జిల్లా అధ్యక్షులు భట్టారి వెంకటేశ్వర్లు,ప్రధాన కార్యదర్శి ఒడిగె కృష్ణ , జిల్లా అసోసియేట్ ప్రెసిడెంట్ చీపెల్లి బాపు, జిల్లా వైస్ ప్రెసిడెంట్ పద్మ ,మహాలక్ష్మి,మన్మోహన్, శ్రీరామ్,ఫైనాన్స్ సెక్రటరీ సుమన్, మండల అధ్యక్షులు మల్లేష్,ప్రధాన కార్యదర్శి రాజ్ కుమార్ తదితరులు పాల్గొన్నారు.
