-టీఎన్జీవో జిల్లా అధ్యక్షులు గడియారం శ్రీహరి
మంచిర్యాల ప్రత్యక్షత:-మంచిర్యాలలోని వసుధ ఆసుపత్రి, వైష్ణవి దంత వైద్యశాలలో ప్రభుత్వ ఉద్యోగులకు ఎన్‌ఈహెచ్‌ఎస్‌ పథకం అమలు తీరును టీఎన్జీవో మంచిర్యాల జిల్లా అధ్యక్షులు గడియారం శ్రీహరి పరిశీలించారు. ఎన్‌ఈహెచ్‌ఎస్‌ పథకం ద్వారా చికిత్స పొందుతున్న ఉద్యోగులు, వారి కుటుంబ సభ్యులను కలిసి వైద్య సేవలపై వివరాలు తెలుసుకున్నారు. ఆసుపత్రుల్లో పథకం ద్వారా పూర్తిస్థాయిలో వైద్య సేవలు అందుతున్నాయని వారు తెలిపారు.ఈ సందర్భంగా గడియారం శ్రీహరి మాట్లాడుతూ జిల్లాలోని 16 ఆసుపత్రుల్లో ప్రభుత్వ ఉద్యోగులు, ఉపాధ్యాయులు, పెన్షనర్లకు ఎన్‌ఈహెచ్‌ఎస్‌ ద్వారా ఉచిత వైద్య సేవలు, శస్త్రచికిత్సలు అందుతున్నాయని తెలిపారు. అర్హులంతా ఈ సదుపాయాన్ని సద్వినియోగం చేసుకోవాలని కోరారు.ఈ కార్యక్రమంలో జిల్లా కార్యదర్శి బొడ్డు శ్రావణ్‌కుమార్, కేంద్ర సంఘం కార్యదర్శి పొన్న మల్లయ్య, శ్రీపతి బాపురావు, గుండేటి నాందేవ్, అల్లాడి శ్రీనివాస్, వెంకటేష్, రాకేష్ తదితరులు పాల్గొన్నారు.